នាយកដ្ឋានប្រយុទ្ធនឹងជំងឺឆ្លង CDC នៅថ្ងៃទី០៤ ខែមិថុនា ឆ្នាំ២០២២ បានចេញសេចក្ដីព័ត៌មានអំពីជំងឺអុតស្វា (Monkeypox) ។
តើជំងឺអុតស្វា ចម្លងតាមរបៀបណា?
- តាមរយៈការប៉ះពាល់រាងកាយផ្ទាល់ ឬប៉ះពាល់ជិតស្និទ្ធជាមួយអ្នកដែលមានរោគសញ្ញារួមទាំង ទំនាក់ទំនងផ្លូវភេទ ។
- ពូក កន្សែង ឬសម្ភារៈ ដូចជាសម្ភារៈបរិភោគអាហារ/ចានក្បាន ដែលអ្នកកើតជំងឺអុតស្វា (Monkeypox) បានប្រើប្រាស់ ឡូកឡំគ្នា។
- តាមរយៈទឹកមាត់អ្នកជំងឺ(អ្នកជំងឺមានដំបៅក្នុងមាត់)
- ឆ្លងពីអ្នកមានផ្ទៃពោះទៅតាមរយៈទងសុក និងឆ្លងពីឪពុកម្តាយ ដែលមានវីរុសទៅកូនអំឡុងពេល ឬក្រោយពេលឆ្លងទន្លេ តាមរយៈការប៉ះនឹងស្បែក
- វីរុសនេះមាននៅលើសត្វកកេរព្រៃ ដែលវីរុសនេះមានប្រចាំនៅអាព្រិចខាងលិច និងអាព្រិចកណ្ដាលហើយបច្ចុប្បន្នបាននិងកំពុងឆ្លងនៅទ្វីបអឺរុ៉ប អាមេរិក កាណាដា។
ការការពារឆ្លងជំងឺអុតស្វា(Monkeypox) ៖
- រក្សាអនាម័យខ្លួនប្រាណ លាងដៃជានិច្ចជាមួយសាប៊ូ ឬជែលលាងដៃ ឬអាល់កុល លាងដៃ និងរក្សាអនាម័យផ្លូវដង្ហើម។
- ចៀសវាងការប៉ះពាល់ដោយផ្ទាល់ជាមួយអ្នកជំងឺអុតស្វា។
- អនុវត្តការរួមភេទប្រកបដោយសុវត្ថិភាពដោយ ប្រើស្រោមអនាម័យ។
- បរិភោគចំណីអាហារដែលឆ្អិនល្អ និងរក្សាអនាម័យចំណីអាហារទាំងការចម្អិនអាហាឲ្យបានល្អ។
- ចៀសវាងការប៉ះពាល់ជាមួយសត្វ រស់ ឬស្លាប់។
រោគសញ្ញានៃជំងឺមានដូចជា៖
- ក្ដៅខ្លួន ឈឺក្បាលខ្លាំង ហើមកូនកណ្ដុរ ឈឺសាច់ដុំ និងចេញកន្ទួលដែលមានពងបែក។
- កន្ទួលមានទំនោរប្រមូលផ្ដុំនៅលើមុខ បាតដៃ និងបាតជើង
- មាត់ ប្រដាប់ភេទ និងភ្នែក អាចរងផលប៉ះពាល់ដែរ
- រោគសញ្ញានិងកន្ទួលលើស្បែក មានរយៈពេលជាច្រើនសប្ដាហ៍ ។
បុគ្គលដែលមានរោគដូចដែលបានរៀបរាប់ខាងលើសូមទៅប្រឹក្សានៅមណ្ឌលសុខភាពដែលនៅជិតលោកអ្នក ឬមន្ទីរពេទ្យ និងសូមទំនាក់ទំនងមកលេខទូរស័ព្ទ ១១៥ ដោយឥតគិតថ្លៃ៕
